Tuesday, May 03, 2005

Bisaya version (Bisaya, the dialect)

Posted by Ms.B at 12:50:00 AM

Mga ka tribu, ania na usab ako karon dinhi... magsamok-samok o mag pa ambit ba hinuon sa mga binisaya nga pinulungan... Ay! exacto ba ? Bitaw, oi naa lang ko i sulti kainyong tanan nga maka basa ani. Malipayon gayud ako nga nahiapil nianing bisaya blog dinhi. Sa tinuod lang kay ma baid jud ni akong mga sinulti-an nga bisaya. Maayo hinuon kay gusto pud ako maka-kat-on pa ug daghang mga pinulungang bisaya. Padayon sa ko beh akong tuyo ha...

Kagahapon, kami tanan sa akong banay miadto didto sa Tambuli resort-East- (advertising na ha- wala lang bayad-he he) para mag-saulog sa adlaw na natawhan sa akong pinalangga na kamagulangan na anak na si Alpha Mae. Wow! Kaanindot ba ani!Sige mopadayon ko ha... Unya pag-abut namo didto, nangaon mi ug pani-udto sa ila restaurant(opps!- kan-anan diya! sorry). And ila gidalit kay- eat-all-you-can man, mao nga mi deretso mi tanan pag hukad sa mga sud-an sa ila buffet-table nga puno kaayo sa mga nag-kalain-lain nga mga sud-an... whew! i feel great! Ug unya, pakatapos sa among pani-uto, mi pahimutang na kami didto sa ila beach-area- ug didto naa mi dako nga lamesa (español man ni sa?) ug maga linkoranan... Wowwwie! giganahan na ko!

Ma-anindot gayud ang Tambuli beach completo usab sa swimming pool para sa mga dagko ug naa usab para sa mga bata. Daghan pud ang mga lain na pamilya nga nag-lingaw-lingaw sa pag-pangaligo sa pool hasta pa diay sa dagat. Dako-dako man and dagat... akong buot ipasabut kay 1.3 meters ang height niani sa mga alas: 3 sa kahaponon, pero miabut mi didto kay mga alas: 12 pa sa udtong totok! Oh yeah!Maayo ang kasilaw sa adlaw adtong tungura kay hayag man kayo, wala may mga panganud nga mi paduol. Apan sa akong ka hibulong pag-labay sa pipila ka minuto, takulahaw lang nga namingaw ang palibot nako kay diay, mi adto silang tanan sa pool para musalom sa mainit nga tubig nga adunay chlorine. Nananghid baya diay sila nako apan wala lang ko ka deparar tungod sa akong kahimuot sa kaaninot sa lugar. Tinuod jud diay and ilang gisulti nga kon adunay kang gi-huna-huna kay dili ka makabantay sa imong kauban o gibuhat nianang higayona.

Mao usab kadto ang hinungdan nga naka mugna ako ug balak sa pinulungang bisaya. Kadaghan na man ako maka himo ug balak, apan sa iningles man. Mao nga nadasig ako pag buhat sa bisaya nga balak ug duha pa jud ka buok ang akong nahimo! Imagine! Sige akong ipa ambit kaninyo dinhi:
Image hosted by Photobucket.comSa akong pag-inusara

Walay tandog ang mga kadahonan sa palibot
Mingaw apan mabugnaw ang hoyohoy sa hagin
Nga mi haguros sa akong mga aping
Daw susama sa kabugnawon
Sa pag-bati nga gihambin
Sulod nianang kasing-kasing
Diin nawagtangan na sa kainit
Sa usa ka gugma
Nga kanhi gi ambitan natong duha.

***
---------------------------------------------------------------------------------

Dinhi sa baybayon


Taliwala dinhi sa halapad nga baybayon
Akong ma-handuraw ug ma- aninaw
ang mga nagka lain-lain nga mga pagbati
dinhi sa akong dughan
tugob sa pag higugma ug busog sa pagbati…

Maduyogon ang kalangitan
nga mi hurot pag-sabwag
sa kasidlak sa adlaw ug maoy hinungdan
sa pag das-ag sa mga kabataan
Nga nanagan, nag dakop-dakop ug nagduwa ug tago-tago…

Tana! Mangadto usab kita
Ngadto sa dapit na wala pa ma-abti
Sa halawom nga tubig sa dagat
Aron didto mag tag-baw
Sa kahilayan
Nga wala matagamtami
Adtong mga bata pa kita.

Image hosted by Photobucket.com

***
----------------------------------
You can also view this in Bisaya Bloggers.

0 Comments:

Post a Comment



Subscribe to: Post Comments (Atom)