Sweet moments with Ms. B

by Isidro “Eddie” Albor (Sept. 24, 2006)
Langub, Argao Municipality, Cebu, Philippines

"...Dawata ning akong gugma
nga maoy tima-an
sa akong pagmahal
pag-amping ug pag-yukbo
sa imong kadungganan
Aron matu-od nga ikaw
gipakatawo ni Bathala.

Ning silong sa langit,
Aron sa pagdim-dim
Sa nagkalain-lain bulak
Nga nagsawilik
Sa mainit nga luha
Initos sa mapangis
Nga kagul-ananan.

Babaye, gihigugma ko ikaw
nianang gugma nga matapos lamang
kon kita matimpasaw sa ngilit sa kamatayon.

Wala ako mahadlok nga ton-an mo ako
Kon unsaon ko ikaw sa paghigugma
nga kanang imong kabu-otan
nga labaw sa imong ka-anyag
Nga maoy nagtudlo kanako niining tanan."